Галасы нямых Прагучаць у цішыні Перад світанкам.
Нават у пекле Тварыцца набажэнства Па тых, хто ў катлах.
Данка загінуў. Свецяць у цемры адно Агні балотаў.
Мастацтва - водар Моцнай расчыннай кавы: Абуджае мозг.
Крок - лёс. Быў жах. Так жыць Ці не? Быў шах. Ах! Шлях! У Рай? Грай!
Па шляху жыцця Праз уласную душу Іду да Бога.
Шпацырую па парку. Вось і пустая лава. А побач - ружы.
Раніца ў парку. Дворнік змятае лісце З пустых алеяў.
Апошнi келix Як прыемна бывае Сустрэць з iм ранак.