Чарната кавы.
Сонейкам плавае ў ёй
Долька цытрыны.

Сухое дрэва.
На мёртвую галiну
Цi сядзе птушка?

Дзе накiрункам памылiу́ся я,
Шлях недарэчны абрау́?
Б'ецца палонная думка мая
У́ коле абыдзенных спрау́.

Мэты жыцця апынулiся сном.
Вецер пад вечар зацiх...
Восеньскi дождж у мяне за вакном
Плача па марах маiх.

Новая кнiга.
Як прывабна шамацяць
Чё старонкi!

Старонкi кнiгi.
Сцёжкамi радкоу́ iду
У горад ведау́.

Восеньскi пейзаж:
Бруi дажджу i зямля
Пад шэрым небам.

Буслы над дахам...
Як жа спявае сэрца
Кожную вясну!

Замак, ператвораны ў музей,
Абаронца памяцi i славы,
Горды помнiк барацьбы крывавай,
Замак, ператвораны ў музей.
Сведка краху планаў i надзей,
Некалi квiтнеючай дзяржавы -
Замак, ператвораны ў музей,
Абаронца памяцi i славы!

Шляхецкi гонар?
Плямы iржы на клiнку
Дзедавай шаблi...

У лiстападзе шчэ квiтнеюць ружы,
Але чакаць нядоўга да зiмы,
I вось таму так радуемся мы,
Што ў лiстападзе шчэ квiтнеюць ружы.
Прыйдуць часiны холаду i сцюжы,
Прыйдуць часiны злой, нядобрай цьмы...
У лiстападзе шчэ квiтнеюць ружы,
Але чакаць нядоўга да зiмы!