Як прыемна часам бывае
Зазірнуць у незнаёмы касцёл на набажэнства
Да людзей, якія не ведаюць мяне.

Як прыемна часам бывае
Слухаць імшу на незнаёмай мове
З якой не ведаеш ані слова,
Адчуваючы адзіноцтва ў натоўпе
Перад тварам усемагутнага Бога!

Сакэ і сушы.
Напаўняючы страўнік
Душу лекую.

Бібліятэка.
Якую кнігу вазьму
Сёння з паліцы?

Лье дождж за вакном.
Як утульна у́ пакое
Каля камiна.

Кірля над морам
На тле блакітным неба -
Выклік прасторы.

На даху буслы
В'юць ужо сваё гняздо.
А у́ сэрцы зiма.

Кветка валошкi
Сярод гордых каласоу́
Глядзiць у неба.

Восеньскi букет.
Палымнеюць вяргiнi
На маiм стале.

Гуляю з лёсам.
Што выпадзе ў гэты раз -
Арол ці рэшка?

Зноў у музее
Глядзяць са сцен на мяне
Партрэты князёў.