Rss Feed
Яндекс.Метрика

НЭТА БАГНЭТА - АДНО КІЛО

Нэта багнэта - адно кіло.
Брута багнэта - душа жаўнера.
Ці перамогуць калісьці зло
Наша надзея і наша вера?

Вадкасьць чырвоная пляміць траву.
Потым - гучаць пахавальныя словы.
Факт, што шчэ я асабіста жыву,
Ёсьць выпадковасьцю ў нашых умовах.

Келіх, быць можа апошні, налі.
Вып'ем, як кажуць, за "многая лета"
Тых, хто пра нас успамяне, калі
Скончыцца гэта ўсё, скончыцца гэта...