Rss Feed
Яндекс.Метрика

ХОКУ (нізка 6)

* * *
Вежы гатычнага касцёла
Падобныя да касмічных ракетаў.
Хвіліна – і палятуць да Бога.

* * *
Найлепшы сродак ад нуды – боль.
Пошук паратунка ад яго
Займае ўвесь твой час.

* * *
Сярэднявечча скончылася...
Руіны замка
Перагукваюцца з руінамі кляштара.

* * *
Заброшаная каплічка.
Колькі вакол травы –
Як грэшных душаў.

* * *
Увосень ажывае душа.
Золата лісця –
Як пазалота іканастаса.

* * *
Жыццё – шлях.
Метафара сталася лёсам.
Ідуць канвойныя.

* * *
Жыццё – гэта крэдыт,
Дадзены Богам.
Вярнуць трэба – з працэнтамі.

* * *
Дракула ўмеў лічыць толькі па пальцах.
Для вялікіх разьлікаў
Ён адрубаў пальцы сваіх гасьцей.

* * *
На патэльні поўні
Смажыцца вечна
Яечня кратэраў.

* * *
Данка загінуў.
Сьвецяць у цемры
Адно балотныя агні.

* * *
Людзі – файлы.
Бог-праграміст сьцірае
Папсаваныя вірусам граха

* * *
Белая Вежа - вось
Вакол якой
Круціцца глобус Беларусі

* * *
Гісторыя – гэта тэкст,
Напісаны літарамі гербоў і сцягоў,
Або гіерогліфамі іх адсутнасці.

* * *
З кавалакам хлеба ў руцэ
Крышу міласціну
Крылатым жабракам.

* * *
Ігліцы хвоі –
Нібы дзявочыя вейкі.
Колькі ж трэба для іх тушы.